ТҰҒЫРЫН БИІК БОЛСЫН ТӘУЕЛСІЗДІК – МӘҢГІЛІККЕ!

ТҰҒЫРЫН БИІК БОЛСЫН ТӘУЕЛСІЗДІК –  МӘҢГІЛІККЕ!

2015 жылдың 4 желтоқсанында Қазақ экономика қаржы және халықаралық сауда университетінде «Туризм және сервис» кафедрасының аға оқытушысы А.К. Мусабаеваның ұйымдастыруымен «Туризм» мамандығының 1 курс Тур-112 топ студенттерінің қатысуымен  Тәуелсіздігіміздің 24 жылдығына арналған «Тұғырын биік болсын Тәуелсіздік – мәңгілікке!» атты ашық кураторлық сағат өткізілді.

Кураторлық сағат бірнеше бөлімді қамтыды:

1.                  Ата-бабам армандап кеткен, жас ұрпаққа аманат еткен – Тәуелсіздік!
2.                  Желтоқсан қаһармандарына тағзым ет, жас ұрпақ!
3.                  Қазақстан – біртұтас жер, біртұтас халық, біртұтас болашақ.
4.                  Елімнің атын әлемге танытар ереулі жастарым бар да, мен Тәңірге ризамын!

Тәуелсіздік – ең басты құндылығымыз. Бүгінгі Тәуелсіздікке халқымыз оңайлықпен жеткен жок. Сан мың жылдар бойы найзаның ұшымен, еліміздің ерен ісімен, кешегі дүниені дүр сілкіндерген Желтоқсан оқиғасымен келген сәт тарихымызда алтын әріптермен жазылып қалған. Бұл күнге қаншама қандастарымыз өз өмірлерін қиды. Әсіресе, Желтоқсан оқиғасының жаңғырығы жүздеген жылдарға кететініне енді ешқандай күмән жоқ. Осындай тарихи сәттерді өскелең ұрпаққа жеткізу үшін 1 курс студенттері 1986 жылдың Желтоқсан оқиғасын сипаттайтын қойылымдар қойып, Желтоқсан қаһармандарына өлең-жырларын арнап, видеолар ұсынды, рухтарына тағзым етті.

Мерекелік кеш қонақтары Астана қаласы әкімшілігінің жастар саясатын басқару бөлімінің өкілдері, ҚазЭҚХСУ «Базалық дайындық» факультетінің деканы Жаныбаева З.К. және «Туризм және сервис» кафедрасының профессорлық-оқытушылық құрамы мен 1-4 курс студенттері.