«Тіл –достықтың кепілі» атты дөңгелек үстел өтті

Қазақстан Республикасы халықтарының тілдері күніне орай 2014 жылғы 23 қыркүйекте «Қазақ және шет тілдері» кафедрасының ұйымдастыруымен «Тіл –достықтың кепілі» атты дөңгелек үстел өтті. Студенттер арасында өткізілген дөңгелек үстелдің мақсаты - өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз ұлтына, еліне деген сүйіспеншілігін ояту. Іс-шараға 1,2 курс студенттері белсенді қатысып, ат салысты. Зұлпыхар Тасқынбек, Ақмағамбетова Анель, Мешкова Юлия т.б. ана тілі туралы өлеңдерді жатқа оқыса, өзге ұлт өкілдері қазақ, ағылшын және француз тілдерінде ән салды. Мерекелік іс –шараны 1 курс студенті Аманбек Арғын мен 2 курс студенті Шуткевич Кристина жүргізді. Дөңгелек үстел танымды әрі қызықты өтті.