Студенттер көшет отырғызды

Астана қаласында 20 қыркүйек күні «Нұр Отан» партиясы Астана қалалық филиалы «Жас Отан» жастар қанатының Астана қаласының әкімдігімен бірлесе ұйымдастырған «Таза мекен» жобасы аясында «Біз таза қала үшін» атты қалалық сенбілік өтті. Бұл шараның негізгі мақсаты Астана қаласын көгалдандыру, абаттандыру жұмыстарын жүргізу, көркейту және санитарлық тазарту, қала тұрғындарының экологиялық мәдениетін қалыптастыру. Жастардың бойындағы Елордамызға деген мақтанышты жоғарылату болып табылады. «Жас Отан» жастар қанаты ЖОО студенттерімен бірлесіп қала бойынша 3 000 ағаш отырғызуды жоспарлаған болатын, соның ішінде ҚазЭҚХСУ студенттері мен қызметкерлері Алматы ауданына қарасты Ақжол көшесінің бойындағы №40 станцияға 150 ағаш отырғызып, қаламыздың көркін кіргізуге үлес қосты.