Республикалық жыл сайынғы ғылыми-зерттеу жұмыстарының конкурсы

Esil University" Есеп және аудит " кафедрасы экономикалық ғылымдар бойынша студенттердің ғылыми-зерттеу жұмыстарының Республикалық жыл сайынғы конкурсының ("Есеп және аудит"мамандығы) I кезеңін (ЖОО ішіндегі) өткізді.

Осы конкурстың негізгі мақсаттары мен міндеттері: 1) студенттердің ғылыми-зерттеу және оқу-танымдық қызметін ынталандыру; 2) неғұрлым талантты және дарынды студенттерді іріктеу және қолдау; 3) Қазақстан Республикасының зияткерлік әлеуетін қалыптастыруға жәрдемдесу болып табылады.

Ұсынылған жұмыстарды тыңдап, Конкурстық комиссия республикалық ғылыми-зерттеу жұмыстары конкурсының II кезеңіне қатысу үшін студенттердің үздік ғылыми-зерттеу жұмыстарын ұсынды.

Конкурстық комиссия институттың ғылыми өміріне белсенді қатысқаны үшін ұсынылған жұмыстардың ғылыми жетекшілері мен авторларына алғысын білдіреді.