БулеулиевБахтиярТулегенович  1990 жылы Қарағанды Мемлекеттік университетінің заң факультетін тәмамдап, «заңгер» біліктілігіне ие болды. ССР Қарулы күштер қатарында міндетін орындады.  

1990-1992 ж.ж. Солтүстік Қазақстан облысы адвокаттар алқасының Преснов аудандық құқықтық кеңес беру меңгерушісі, Талдықорған облысы Әділет басқармасының бас консультанты лауазымдарында жұмыс істеді.

6 жыл бойыТалдықорған қалалық халықтық сотының судьясы қызметін атқарды, Астана қаласының ауданаралық мамандандырылған экономикалық сотында қызмет етті.

1995 – 2004 жылдар аралығындаСІМ жүйесінде сыртқы саяси қызметте әр түрлі лауазымдар бойынша, соның ішінде СІМ Заң бөлімінің меңгерушісі, ҚР Бонн қ. (ФРГ) елшілігінің референті,  ҚР Франкфурт-на-Майне қ. (ФРГ) консулдығында бас консул, ҚР Австриядағы (Вена қ.) елшілігінің екінші хатшысы болып қызмет атқарды.

2006 – 2014 жылғы қаңтар аралығында – құқықтық компанияның бас директоры, ҚР Әділет министрлігінің халықаралық келісімшарттарының сараптамасы департаментінің директорының орынбасары қызметтерін атқарды.  

2014 жылғы қаңтардан бастап – Қазақ экономика, қаржы және халықаралық сауда университетінің доценті (Астана қ.).

Дипломатиялық ранг – бірінші санаттағы екінші хатшы.

Мемлекеттік және неміс тілдерін біледі.

ҚР СІМ, Президент Әкімшілігінің кадрлық резервінде тұр.

Заң ғылымдарының докторы, 2010 жылы диссертациясын сот ісін жүргізуде қорғады.   

2 монографияның, 1 оқулықтың («Қылмыстық-процессуалдық құқық. Қылмыстық іс қозғалысы» (авторлық бірлестікте), құқықтың, заңтанудың, сот өндірісінің өзекті мәселелері бойынша 60 астам ғылыми-зерттеу басылымдарының авторы.

«Әділет органдарының құрметті қызметкері» төс белгісімен, басқа да мерейтойлық медальдармен марапатталды.